Mjekët: Presidenti Thaçi është shëruar plotësisht - Bota Sot
Mjekët: Presidenti Thaçi është shëruar plotësisht

Aktuale

Mjekët: Presidenti Thaçi është shëruar plotësisht

Nga: D.RR Më: 21 maj 2020 Në ora: 22:23
Hashim Thaçi

Përmes një komunikate për media, zyra e presidencës ka njoftuar se presidenti Thaçi ka përfunduar të gjitha trajtimet, teksa mjekët thonë se është shëruar plotësisht, përcjellë “Bota sot”.

Presidenti i Republikës së Kosovës, z. Hashim Thaçi kishte një ndërhyrje endo-urologjike më 23 prill 2020.

Ai ka falënderuar me emra edhe të gjithë mjekët dhe stafin mjekësor që janë kujdesur për të gjatë kësaj kohe.

Njoftimi i plotë:

Presidenti Thaçi përfundon të gjitha trajtimet, mjekët thonë se është shëruar plotësisht

Prishtinë, 21 maj – Presidenti i Republikës së Kosovës, z. Hashim Thaçi, ka përfunduar sot trajtimin pas ndërhyrjes endo-urologjike që kishte më 23 prill 2020 dhe sipas konstatimit të mjekëve Presidenti është shëruar plotësisht.

Presidenti Thaçi shpreh mirënjohjen më të thellë për mjekët dhe stafin mjekësor që janë kujdesur për të gjatë kësaj kohe.

Presidenti Thaçi ka falënderuar personalisht ekipin e urologëve Dr. Sabit Mehmeti, Dr. Bashkim Gllareva, Dr. Fahredin Veselaj dhe Dr. Ardit Kryeziu, infermierët Arsim Menxhiqi, Shpresa Makolli, Havushe Konshevci, Dardan Imeri, Feim Buqaj, Xhemile Dalipi dhe Petrit Gashi, ekipin e anesteziologëve Dr. Nehat Baftiu dhe infermierin Qerim Biba; si dhe ekipin e radiologëve Dr. Bujar Gjikolli dhe infermieri Alban Mustafa dhe Lorik Rrustemaj.

“Jam krenar me profesionalizmin, përkushtimin dhe kujdesin që kam gjetur te i gjithë stafi këtu në SHSKUK”, është shprehur presidenti Thaçi.

Mjekët kanë konstatuar se Presidenti Thaçi gëzon shëndet të mirë e të plotë dhe nuk ka nevojë për trajtime shtesë.

Shfaq komentet
comments powered by Disqus
Sot mund të lexoni Shfletoni kopertinat