Kreu i vendit Hashim Thaçi i ka quajtur fyese deklarimet e kryeministrit në detyrë Albin Kurti se ‘i kanë kapur thikat’ në Shtëpinë e Bardhë për ta copëtuar Kosovën.
Presidenti Thaçi tha se Kurti ka shkarkuar këshilltarin e tij Shkëlzen Gashi, por nuk është distancuar nga qëndrimet e tij kundër luftës së UÇK-së.
Ai ka folur edhe për vizitën e tij në Shqipëri, duke mohuar kështu që të ketë qenë në veturën e tij Behgjet Pacolli.
“Kjo është shpikje ordinere. Ai ka ardhur me aeroplanin e tij në Kosovë. Unë kam reaguar ndaj kërcënimit me jetë që i është bërë Pacollit”, është shprehur Thaçi.
