Koci jep detaje të rëndësishme për “Dhomën e Përgjimeve”

Aktuale

Koci jep detaje të rëndësishme për “Dhomën e Përgjimeve”

Më: 28 maj 2020 Në ora: 22:17
Arianit Koci

Avokati Arianit Koci ka reaguar pas akuzave të presidentit Thaçi ndaj kryeminsitrit në detyrë, Albin Kurti se ka hyrë ilegalisht në Dhomën e Përgjimeve.

Koci thotë se përvec kamerave në hyrje, çdo hyrje-dalje në objekt regjistrohet nëpërmjet kartelave dhe se numri i personave që mund të hyjnë në këtë pjesë ēshtë i limituar.

Më tutje avokati Koci shton se në terminal, apo në grupin e pajisjeve që e mundëson përgjimin ligjor mund të operojnë jo më shumë se 3 persona.

Njoftimi i plotë:

Dhoma e përgjimeve ligjore

Operatorët e rrjetit apo operatorët e infrastrukturës publike të komunikimit elektronik, te ne Telekomi i Kosovës (Vala) dhe IPKO sipas nenit 19 të Ligjit nr. 05/L-030 për përgjimin e komunikimeve elektronike, obligohen që me shpenzime të veta ta realizojnë infrastrukturën e nevojshme në rrjetin e tyre për të siguruar aftësinë përgjuese ndaj përdoruesve që i shfrytëzojnë shërbimet e telekominikimeve të tyre.

Në Telekomin e Kosovës (Vala), si operator i parë pas luftës, procedurat dhe rregullat fillestare rreth funksionimit të kësaj pjese skajshmërisht të ndjeshme të një operatori telefonik i kanë vendosur KFOR-i dhe Shtylla IV e UNMIK-ut.

Kjo njësi funksionon në kuadër të Valës, por funksionon e pavarur dhe madje edhe hyrjen e ka të veçantë.

Përveç kamerave në hyrje, çdo hyrje-dalje në objekt regjistrohet nëpërmjet kartelave. Numri i personave që mund të hyjnë në këtë pjesë ēshtë i limituar.

Në terminal, apo në grupin e pajisjeve që e mundëson përgjimin ligjor mund të operojnë jo më shumë se 3 persona.

Secili prej tyre hyn me kodin e përdorimit, apo ‘user code’.

Terminali është i konceptuar ashtu që mund të operohet vetëm nëpërmjet ‘userave’. Pra, kushdo që i qaset terminalit, domosdo lë gjurmë.

Mbi të gjitha, gjasat janë zero që pa lënë gjurmë të nxirren shënimet, apo Meta Datat.

Përveç kësaj, sipas nenit 30 të ligjit të lartpërmendur, operatorëve të rrjetit dhe ofruesve të shërbimeve nuk u lejohet t’i ruajnë Meta Datat (bisedat, mesazhet etj.) për një periudhë më shumë se nëntë (9) muaj kalendarik.

Pra, në supozimin që dikush i paautorizuar mund të ketë hyrë në Dhomën e përgjimeve ligjore – kjo identifikohet lehtë, ndërsa në rast të çdo ndërhyrjeje në terminal mbetet gjurmë. Poashtu, nuk ka mundësi që të merren të dhëna, apo Meta Data më të vjetra se nëntë (9) muaj, se ato fshihen rregullisht.

commentFirst article
Sot mund të lexoni Shfletoni kopertinat