Artan Behrami, këshilltari i presidentit Hashim Thaçi, ka thënë se 83 deputetë e shkarkuan Albin Kurtin por ai nuk e pranoi, e tani nuk po e pranon as vendimin e Gjykatës Kushtetuese, përcjell Bota sot.
Përmes një postimi në Facebook, ai ka thënë se ai nuk e pranon parimin e shumicës në demokraci, se thirrja në popull është thirrje në pakicën.
Postimi i tij i plotë në Facebook:
Mbi 83 deputetë të Kuvendit të Kosovës, që përfaqësojnë mbi 80% të popullit, e shkarkuan Albin Kurtin. Por, ai nuk e pranoi asnjëherë.
Në mënyrë unanime, Gjykata Kushtetuese në mbrojtje të demokracisë parlamentare i dha dje të drejtë të gjitha veprimeve të Presidentit për zhbllokimin e situatës. Kurti as këtë vendim nuk po e pranon!
Ai nuk e pranon parimin e shumicës në demokraci. Thirrja në popull është thirrje në pakicën, e cila i nënshtrohet dominimit të aspiratave diktatoriale të Albin Kurtit.