Zëvendëskryeministri në detyrë Haki Abazi iu është përgjigjur akuzave të presidentit Hashim Thaçi se ai, Xhelal Sveqla dhe Albin Kurti kanë hyrë në dhomën e përgjimeve në PTK.
“E para është që dhoma nuk ekziston, dhoma e përgjimeve. Kam nja 30 vite që në atë ndërtesë nuk kam hy, por kur nuk ekziston nuk kemi se si të mos hyjmë. Është një në radhën e gënjeshtrave për të akuzuar kryeministrin që ka marrë përgjegjësinë për t’i shërbyer popullit”, ka thënë ai.
“Kurrë s’kemi hy, unë nuk kam hy në ndërtesen e postes qe 30 vite, kjo është një gënjeshtër e kulluar e Thaçit. Por një gjë është e rëndësishme, se del një person dhe thotë që kemi marrë xhirime të 1 milion njerëzve”, ka thënë tutje ai.
