Besnik Tahiri: AAK e vendosur për ta mbështetur Qeverinë Hoti

Aktuale

Besnik Tahiri: AAK e vendosur për ta mbështetur Qeverinë Hoti

Më: 30 maj 2020 Në ora: 23:57
Besnik Tahiri

Koalicioni ndërmjet Lidhjes Demokratike të Kosovës, Aleancës për Ardhmërinë e Kosovës dhe Nismës Socialdemokrate është duke punuar që sa më parë të mbahet seanca parlamentare për votimin e Qeverisë së re.

I nominuari për zëvendëskryeministër të Kosovës, Besnik Tahiri, ka thënë se AAK tashmë ka votuar në të gjitha organet e partisë për përbërjen ministrore të Qeverisë Hoti.

Sipas tij, AAK ka nominuar emra kredibilë për të qenë në krye të dikastereve qeveritare.

Ai ka theksuar se grupi parlamentar i këtij subjekti politik do të jetë njëzëri për ta votuar Qeverinë e re, kurdo që mbahet seanca gjatë javës së ardhshme.

Kujtojmë se të nominuarit fillestarë të këtij subjekti politik janë: Ramë Likaj në pozitën e ministrit të Arsimit, Blerim Kuçi në pozitën e ministrit të Ekonomisë, Selim Selimi në pozitën e ministrit të Drejtësisë, Meliza Haradinaj në pozitën e ministres së Punëve të Jashtme; ndërsa zëvendëskryeministër pritet të jetë Besnik Tahiri.

commentFirst article
Sot mund të lexoni Shfletoni kopertinat