Avdullah Hoti i cili pritet të jetë kryeministër i ri i Kosovës, ka kritikuar kryeministrin në detyrë, Albin Kurtin për masat e reja të vendosura nga Serbia.
Hoti thotë se veprime e fundit nga Qeveria në detyrë nuk e ndihmojnë vendin, por e kurthojnë atë.
Sipas tij, Qeveria e re do të koordinohet me partnerët strategjikë të Kosovës duke hequr çdo pengesë për dialog.
Postimi i plotë:
Veprimet e fundit nga Qeveria në detyrë nuk e ndihmojnë vendin, por e kurthojnë atë. Është e ditur se reciprociteti është pjesë organike e strukturës tonë ligjore.
Por, ne sot kemi nevoje ta mbështesim dialogun me ndihmën e miqve tanë.
Qeveria e re do të koordinohet me partnerët strategjikë të Kosovës duke hequr çdo pengesë për dialog. Vetëm përmes këtij koordinimi ne e avancojmë pozitën e Kosovës në arenën ndërkombëtare dhe ia heqim Serbisë alibinë për ta zvarritur marrëveshjen për njohjen reciproke.