Ministri i Mbrojtjes, Anton Quni, dhe ish-komandanti i Koshares, përmes një shkrimi në Facebook, ka treguar një ngjarje të padëgjuar më parë.
Ai nisë shkrimin duke thënë se “as legjendat nuk janë më prekëse se sa ngjarjet e vërteta në Betejën e Kosharës”.
Quni tregon se më 31 Maj 1999 ndërruan jetë Xhemajl Fetahaj dhe Milazim Shala, dhe ende pa kaluar tre ditë, ata u zëvendësuan në vijën e parë të frontit nga vëllezërit e tyre, Xhevat Fetahaj dhe Xhevdet Shala, të cilët luftuan deri në ditën e fitores.
Ja shkrimi i tij:
As legjendat nuk janë më prekëse se sa ngjarjet e vërteta në Betejën e Kosharës.
Më 31 Maj 1999 ndërruan jetë Xhemajl Fetahaj dhe Milazim Shala.
Ende pa kaluar tre ditë, ata u zëvendësuan në vijën e parë të frontit nga vëllezërit e tyre, Xhevat Fetahaj dhe Xhevdet Shala, të cilët luftuan deri në ditën e fitores.
Lavdi të përjetshme heronjëve dhe dëshmorëve të Kosovës.