Lëvizja Vetëvendosje nesër pritet të mblidhet dhe të vendos nëse do ta marrin pjesë në seancën e jashtëzakonshme ditën e mëkrurë kur pritet të hidhet në votim qeveria Hoti.
Arberie Nagavci, nënkryetare e Kuvendit nga Vetëvendosje ka thënë se si grup parlamnetar ende se kanë qëndrimin përfundimtar se si do të veprojnë.
“Nesër do të vendosim për pjesëmarrje apo jo. Për qytetarët është e qartë se kah po shkojnë LDK dhe partnerët. Si do të reagojmë do të vendosim nesër”, ka deklaruar Nagavci në TV Dukagjini.
E pyetur se a do ta drejtojë ajo seancën, nëse kryekuvendarja Vjosa Osmani nuk e bën këtë gjë, ajo ka thënë se nuk do ta bëjë një gjë të tillë.
“Nuk ka kurrfarë kuptimi me u bë pjesë e këtij skenari. Kjo që po synon LDK është përmbysej e rendit demokratik. Nuk mendoj që është mirë me qenë pjesë e këtij skenari të turpshëm që mund të bëhet realitet. Personalisht vet është diçka që s’do të duhej të ndodhte fare, të bëhesh pjesë e asaj që beson se është e gabuar nuk e konsideroj as parimore as të drejtë”, tha Nagavci.
