+1 votë, LDK-ja e bind deputetin e saj që të votojë Qeverinë “Hoti”

Aktuale

+1 votë, LDK-ja e bind deputetin e saj që të votojë Qeverinë “Hoti”

Më: 2 qershor 2020 Në ora: 12:51
LDK

Deputeti i LDK-së, Ardian Shala, ka vendosur që vota e tij të jetë pro Qeverisë “Hoti” në seancën e nesërme.

Ai në një përgjigje tha se këtë vendim e mori pas konsultave me strukturat e LDK-së në Suharekë ku theksoi se ka marrë shumicën e votave, prandaj edhe është i bindur në votën pro.

“Duke marrë parasysh aktgjykimin e Gjykatës Kushtetuese dhe konsultat me strukturat e Suharekës më bëjnë presion që të veprojë sipas kërkesës së njerëzve qe janë në kryesi të strukturave të Suharekës. Do të jem karshi qëndrimeve të votuesve dhe do ta votojë Qeverinë ‘Hoti’”.

Shala bashkë me Vjosa Osmanin dhe Haxhi Avdylin kanë votuar kundër mocionit të mosbesimit ndaj Qeverisë “Kurti” që e inicioi partia e tyre.

Megjithëse është përfolur se Shala do të jetë kundër një qeverie ku në koalicion është edhe LDK-ja, ai asnjëherë nuk ka thënë përfundimisht qëndrimin e tij deri sot.

“Kam qenë për Qeverinë e shpresës dhe isha që të mos rrëzohej në kohën e pandemisë. Tashti kemi një situatë tjetër, ku nga partia ime është kandidati për kryeministër i përkrahur nga Këshilli i përgjithshëm”, ishte shprehur Shala më herët për KlanKosovë.

commentFirst article
Sot mund të lexoni Shfletoni kopertinat