Deputetja e VV-së, Fitore Pacolli, e ka përkrahu idenë e propozuar nga kryetarja e Kuvendit Vjosa Osmani për qeveri e përkohshme.
Ajo në postimin e saj në Facebook, ka shkruar se në vend të një qeverie ilegale le të vendosim për një qeveri të përkohshme/tranzitore e të hapim rrugë për zgjedhje të reja.
Postimi i plotë:
Kur ke deputetë mashtrues, që shkelin vullnetin qytetar për pazare e përfitime personale, e rrëzojnë qeverinë më demokratike për ta zëvendësuar me një qeveri ilegale atëherë më mirë të kemi një qeveri të përkohshme/tranzitore siç paska propozuar edhe Vjosa R. Osmani. Kjo qeveri e përkohshme/tranzitore do të hap rrugën për zgjedhje të reja e demokratike.
Agustin Palokaj në shkrimin e tij të fundit me të drejtë ka shkruar se "ka qenë iluzion të besohet se ajo parti [LDK] është për ndryshime nëse brenda vetes nuk është ndryshuar". Prandaj, në vend të një qeverie ilegale le të vendosim për një qeveri të përkohshme/tranzitore e të hapim rrugë për zgjedhje të reja.
Ata të cilët kanë menduar se LDK ka ndryshuar tani veçse e kanë kuptuar dhe shumica e tyre janë kthyer në përkrahës të Lëvizjes Vetëvendosje!. Prandaj, klubi i stërvjetëruar politik i frikësohet zgjedhjeve të lira e demokratike.
