Deputeti Hashi Shala, në seancën e paradites ku edhe u votua qeveria e re në krye me Avdullah Hoti, tha se atë e kishin bindur për ta dhënë votën, presidenti i vendit Hashim Thaçi si dhe kryetari i AAK-së, Ramush Haradinaj.
E pas kësaj deklarate gazetarët kanë pyetur presidentin Thaçi rreth kësaj situate. E Thaçi në përgjigjen e tij ka thënë se si president i vendit ka për obligim të takohet më çdo person që bartë detyrë zyrtare e madje edhe me deputetë. Ndërsa për rastin në fjalë ai ka thënë se kurdo që deputetët i kërkojnë këshilla, ai në bazë të përvojës së tij është i gatshëm t’i jap ato.
“Çdo deputet ka legjitimitetin e vet, dhe unë nuk refuzoj të flas për të gjitha çështjet madhore me të gjithë ata që pajtohen në të njëjtën kohë edhe që nuk pajtohet, por edhe duke u bazuar në eksperiencën time, jo rrallë unë jap këshilla dhe rekomandime, se çka i bien mirë vendit demokracisë, dhe në kuadër të kësaj jo vetëm deputeti në fjalë unë do ta këshilloja të votonte për , për demokracinë, shtetin dhe mendoj që ndërmarrja kriminale e zotëri Kurti, edhe përfaqësuesve kanë marrë përgjigje adekuate”, tha Thaçi.
