Zëvendëskryeministri i Kosovës, Driton Selmanaj, ka konfirmuar se procesit të dialogut, do t’i prijë kryeministri Avdullah Hoti.
Në një postim në rrjete sociale, Selmanaj, ka cituar vendimin e Gjykatës Kushtetuese, ku thuhet se Qeveria e Kosovës është institucioni i vetëm që krijon dhe zbaton politikën e jashtme.
Ja shkrimi i tij:
"Kushtetuta i ka dhënë vendin e vet secilit institucion përfaqësues të vendit. Kurse vendimi i Gjykatës Kushtetuese e ka vendosur pikën mbi "i". Qeveria e Kosovës është institucioni i vetëm që krijon dhe zbaton politikën e jashtme. Kryeministri Hoti do udhëheqë të gjitha proceset për marrëveshje me shtetet tjera përfshirë dhe Serbinë.
Programi ynë qeverisës i përmbahet drejt dhe qartë parimeve që derivojnë nga Kushtetuta!"