Zhbllokimi i fondeve të MCC-së për Kosovën, reagon kryeministri Hoti - Bota Sot
Zhbllokimi i fondeve të MCC-së për Kosovën, reagon kryeministri Hoti

Aktuale

Zhbllokimi i fondeve të MCC-së për Kosovën, reagon kryeministri Hoti

Më: 6 qershor 2020 Në ora: 19:56
Avdullah Hoti

Kryeministri i sapozgjedhur Kosovës, Avdullah Hoti, ka reaguar pas vendimit të Milenium Challenge Corporation (MCC) për të zhbllokuar fondet për Kosovën dhe vazhdimin e programit të saj në Kosovë.

Përmes një postimi në rrjetin social Twitter, Hoti ka thënë se e mirëpret këtë vendim të MCC-së.

“Qeveria e Kosovës mirëpret vendimin e MCC-së për zhbllokimin e fondeve dhe vazhdimin e implementimit të programit të saj, si dhe zhvillimit të programit kompakt të propozuar për Kosovën”, ka shkruar ai.

Kujtojmë, se MCC kishte bllokuar investimet e saja në Kosovë pas refuzimit të qeverisë së Kosovës për të hequr taksën ndaj mallrave serbe. Një vendim i tillë i MCC-së ishte marrë gjatë kohës së Qeverisjes Kurti.

Shfaq komentet
comments powered by Disqus
Sot mund të lexoni Shfletoni kopertinat