Mbrëmë ka vdekur një 71-vjeçar nga Vushtrria, si pasojë e sëmundjes Covid-19.
“Pacienti Sh. G. i lindur më 1949 me vendbanim në Vushtrri është pranuar në Klinikën Infektive me datën 10. 05.2020 dhe krahas diagnostikimit me COVID -19, vuante edhe nga sëmundje të tjera shoqëruese”, njoftoi Klinika Infekive e Qendrës Klinike Universitare të Kosovës.
Ministri i Shëndetësisë, Armend Zemaj u shprehi ngushëllime familjes, me ç’rast bëri thirrje për kujdes.
“Ngushllimet më të sinqerta familjes për humbjen e më të dashurit të tyre. Ju lutem, të jemi më të kujdesshëm, kujdesi jonë personal është kujdes kolektiv”, shkroi ai.
Zemaj tregoi edhe për vizitën e djeshme në Vushtrri, një nga komunat më të prekura nga virusi Covid 19 për momentin.
Njoftimi i plotë:
Të nderuar qytetarë, siç jeni njoftuar përmes njoftimit nga Ministria e Shëndetësisë, sot ka ndërruar jetë një qytetar me inicialet Sh.G. i lindur më 1949 me vendbanim në Vushtrri.
I ndjeri ishte prekur nga Covid 19 dhe i njejti vuante edhe nga sëmundje përcjellëse.
Sot isha në vizitë në komunën e Vushtrrisë, një nga komunat më të prekura nga virusi Covid 19 për momentin. Organet komunale atje dhe HERONJËT tonë mantil-bardhë, janë duke e bërë një punë të jashtëzakonshme për të parandaluar përhapjen e virusit.
Ngushllimet më të sinqerta familjes për humbjen e më të dashurit të tyre.
Ju lutem, të jemi më të kujdesshëm, kujdesi jonë personal është kujdes kolektiv.
Bashkë do ia dalim!
