Nënkryetarja e Kuvendit nga radhët e LVV’së, Arbërie Nagavci i ka reaguar presidentit Hashim Thaçi, që sot u deklarua lidhur me gjendjen e jashtëzakonshme, transmeton "Bota sot".
Nagavci shpreh dy arsyjet që kjo deklaratë është ka qenë e pritshme nga presidenti i vendi dhe Nagavci tha se presidenti i ndryshon gjithnjë qëndrimet e tij dhe se tani e ka qeverinë që atij i jep vullnetarisht kompetenca.
Postimi i plotë
Presidenti Thaçi paska mbajtur konferencë për media për të deklaruar “ E urrej gjendjen e jashtëzakonshme “.
Janë së paku dy arsye që kjo është deklaratë e pritshme,
E para ky person gjithnjë ndërron qëndrimet e tij dhe atë publikisht, njejtë ka bërë dhe me deklaratat e tij për ndryshimin e kufijve.
Dhe e dyta, tani më nuk i nevojitet të shpall gjendje të jashtëzakonshme për të marrë në duar pushtetin ekzekutiv që nuk ia njeh Kushtetuta. Tani e ka Qeverinë e tij që vullnetarisht i jep kompetencat që nuk i takojnë dhe madje përtej kësaj.
Dhe në fund paska lënë të hapur mundësinë që të ndërhy prap nëse e shef të nevojshme: ”Nëse nuk ka përmirësim të gjendjes, atëherë institucionet do të detyrohen të kthejnë masat kufizuese”, shtoi presidenti.