Sot në Kuvendin e Kosovës është zhvilluar një debat mjaft i ashpër sa i përket respektimit të simboleve shtetërore nëpër zyra, diskutim ky i nxitur pas raportimeve se Goran Rakiq ka larguar flamurin e Kosovës nga zyra e tij.
Zëvendëskryeministrja nga radhët e NISMA-s, Albulena Balaj-Halimaj, në fjalën e saj në Kuvend ka treguar se kur ka shkuar në zyrën e saj për të filluar punën si zëvendëse e kryeministrit Hoti, nuk ka gjetur as flamurin e Kosovës e as deklaratën e pavarësisë së Kosovës.
Ajo ka thënë se në bazë të informacioneve që ka, një zyrë e till ishte shfrytëzuar nga kabineti i Albin Kurtit sa ishte kryeministër.
Pas gjithë këtij debati është lajmëruar përsëri zv.kryeministrja, e cila ka treguar se tashmë në zyrën e saj janë edhe flamuri i Kosovës dhe deklarata e pavarësisë së Kosovës.
“Deklarata e pavarësisë sërish aty ku e ka vendin!Mirënjohje të përjetëshme të gjithë atyre që dhanë jetën për ta bërë të mundur miratimin e kësaj deklarate!”, ka shkruar ajo.
