Kryeministri i Kosovës, Avdullah Hoti, ka shprehur ngushëllime për vdekjen e gazetarit Llukman Halilit.
Ai tha se lajmi për vdekjen e tij të hershme e ka trishtuar atë dhe gjithë gazetarinë shqiptare.
“Jam i tronditur nga shkuarja e hershme në amshim e gazetarit Llukman Halili. Ky është një lajm i trishtueshëm për mbarë gazetarinë shqipe. Në emrin e Qeverisë së Kosovës dhe në emrin tim personal u shpreh ngushëllimet më të sinqerta familjes, kolegëve dhe miqve të tij. Zoti e bekoftë Llukman Halilin! Zoti e bekoftë familjen e tij!”.
Halili ndërroi jetë mëngjesin e sotëm duke lënë pas një karrierë të pasur në gazetarinë shqiptare. Ai me prejardhje ishte nga Tërnoci i Bujanocit dhe mbante titullin Doktor i Shkencave Humane.
