Ish-zëvendëskryeministri i qeverisë së kaluar, Haki Abazi tregon se deri tani janë mbledhur 236 mijë nënshkrime të peticionit të VV-së “Duam Zgjedhje”.
Ai ka një pyetje publike, duke thënë se I kujt është ky shtet, dhe nëse nuk është i qytetarëve, në emër të kujt flet qeveria ilegale?
Abazi thekson se kjo qeveri e Thaçit është për të financuar ndarjen dhe për të mbuluar sistemin e krimit dhe korrupsionin.
Ja shkrimi i tij:
236 mijë nënshkrime deri sot dhe vazhdojmë me kërkesën për zgjedhje!
236 mijë nënshkrime kundër qeverisë ilegale të Thaçit, të pas mesnatës për të bërë një qeveri që nuk u zgjodh asnjëherë nga vota, edhe atëherë kur kandiduan për kryeministër edhe tani me 6 tetor nuk i votuan për të qeverisur!
236 mijë nënshkrime dhe vazhdojmë për të hapur sytë me gisht atyre që në emër kinse të demokracisë e vjedhin vullnetin demokratik të qytetarëve!
236 mijë nënshkrime dhe vazhdojmë, kundër vendimit të falsifikuar të gjykatës kushtetuese për dekretin jokushtetues të presidentit shpifës!
I kujt është ky shtet? -nëse nuk është i qytetarëve, në emër të kujt flet qeveria ilegale e pasmesnates dhe njeriut që ka vendim të prerë- denim nga gjykata, kjo qeveri e Thaçit është për të financuar ndarjen dhe për të mbuluar sistemin e krimit dhe korrupcionin, favoret per pseudo- gazetarët e portalet e yelloë press dhe kontratat e lobimit.
236 mijë nënshkrime dhe vazhdojmë, nuk durojnë genjeshtrat e propagandat e Thaçit e as Mustafës e as mashat e tyre që vërshojnë mediat sociale me lajme të rrejshme e shantazhe e propagandë.
236 mijë dhe vazhdojmë bashkë sepse jemi shumë e të pandalshëm.
