Hoti: Rruga Deçan–Plavë, projekt i rëndësishëm për trojet shqiptare

Aktuale

Hoti: Rruga Deçan–Plavë, projekt i rëndësishëm për trojet shqiptare

Më: 16 qershor 2020 Në ora: 16:32
Avdullah Hoti

Kryeministri i Kosovës, Avdullah Hoti, mori pjesë në përurimin e asfaltimit të segmentit të parë të rrugës Deçan–Plavë.

Para të pranishmëve të shumtë, kryeministri Hoti tha se është i nderuar të marrë pjesë në përurimin e kësaj rruge, projekt ky i rëndësishëm për trojet shqiptare.

“Jam vërtet i nderuar që në ditët e para të mandatit e përurojmë një projekt të rëndësishëm të qeverive të kaluara, disa ministra me radhë kanë punuar në këtë projekt, dhe jam shumë i nderuar që sot një pjesë të kësaj rruge e përfundojmë dhe bashkë me ministrin e Infrastrukturës morëm obligimet për të quar më tutje këtë projekt të rëndësishëm për trojet shqiptare”, tha kryeministri Hoti.

Duke e quajtur këtë rrugë të një rëndësie strategjike për të gjithë shqiptarët, kryeministri Hoti siguroi kryetarin e Komunës së Deçanit, se do të jenë së bashku për të quar deri në kufi këtë rrugë dhe bashkë me bashkëkombësit tonë matanë kufirit ta lidhin deri në destinimin e saj.

Kryeministrit Hoti në këtë ceremoni, nga kryetari i Komunës së Deçanit, Bashkim Ramosaj, iu nda dekorata “Rruga e jetës”.

commentFirst article
Sot mund të lexoni Shfletoni kopertinat