Për takimin e 27 qershorit në SHBA, të liderëve të dy shteteve Kosovë dhe Serbi, ku pritet që të arrihet marrëveshja finale për stabilizmin e dy vendeve ka reaguar edhe Kryetari i Republikanëve të Kosovës, Faton Kurti.
Kurti përmes një postimi në Facebook, shkruan se, kryeministri i Kosovës, Avdullah Hoti duhet të shpjegojë në detaje se cila është platforma e Kosovës për të negociuar marrëveshjen finale me Serbinë?
Ai tutje pyet se mos po shkon Hoti për të ia dhënë aminin planit të Thaçit dhe Vuçiqit për shkëmbimin e territoreve.
“Të gjithë aktorët e marrëveshjes Kosovë - Serbi duhet ta dinë fare mirë se populli i Kosovës kurrë nuk do të tolerojë PREKJEN E TERRITORIT TË KOSOVËS”, shkruan ai
Postimi i plotë:
Si duket "tri këmishat" e Albin Kurtit, tani do ti marrë Avdullah Hoti për të shkuar me Thaqin në "Shtëpinë e Bardhë"!
Brenda 10 ditësh, me datën 27 Qershor, dueti Thaqi/Hoti do të nisen për në "Shtëpinë e Bardhë" për të përfaqësuar Kosovën në marrëveshjen "përfundimtare" në mes Kosovës dhe Serbisë.
Kryeministri Hoti duhet të na shpjegojë detajisht se cila është platforma e Kosovës për të negociuar marrëveshjen përfundimtare Kosovë - Serbi?
Apo, ky do të shkojë atje vetëm për ta dhënë
Aminin, planit të Thaqit dhe Vuçiqit për "Këmbim territoresh"?!
Të gjithë aktorët e marrëveshjes Kosovë - Serbi duhet ta dinë fare mirë se populli i Kosovës kurrë nuk do të tolerojë PREKJEN E TERRITORIT TË KOSOVËS.
Çështjet madhore të shtetit dhe të kombit, nuk mund të vendosen nga një apo disa politikanë të rastit, por nga vetë populli me anë të Referendumit.
FK
