Avokati Tomë Gashi, i cili është edhe avokat i familjes së Astrit Deharit, aktivistit të Lëvizjes Vetëvendosje i cili ka mbetur i vdekur në burgun e Prizrenit e që ende nuk dihen rrethanat e kësaj vdekje, ka publikuar një video të kreut të PDK-së, Kadri Veselit derisa ka folur për vdekjen e Deharit.
Tomë Gashi në postimin e tij, thotë se Veseli dy herë tha publikisht se Astriti është vrarë në burgun e Prizrenit.
Avokati Gashi kërkon nga Prokuroria Speciale që ta ftojnë Veselin për të dëshmuar për deklaratat e tij të bëra publike në një emision televiziv.
Sipas Gashit, Kadri Veseli po deklarohet haptas se din shumë për vrasjen e Deharit.
Postimi i plotë:
Z. Kadri Veseli se paku dy here publikisht eshte deklaruar se Astrit Dehari eshte vrare ne Burgun e Prizrenit!
Cka po i mungon Prokurorit te Prokurorise Speciale Z. Afrim Shefkiu qe nuk e fton per te deshmuar lidhur me te gjitha ato informata qe i din Z. Veseli dhe e cili haptas deklarohet se din shume per vrasjen e Astrit Deharit !?