Deputeti i LDK-së: Sapo votova kundër propozimit të Mustafës, përjashtimi i Vjosa Osmanit u ngjan sistemeve të kaluara

Aktuale

Deputeti i LDK-së: Sapo votova kundër propozimit të Mustafës, përjashtimi i Vjosa Osmanit u ngjan sistemeve të kaluara

Më: 20 qershor 2020 Në ora: 14:58
Vjosa Osmani

Deputeti dhe anëtari i Këshillit të Përgjithshëm të LDK-së, Haxhi Avdyli ka dalë kundër propozimit të Isa Mustafës, për shkarkimin e Vjosa Osmanit nga posti i nënkryetares në parti.

Ai ka theksuar se ka votuar kundër propozimit të Isa Mustafës.

“Unë, sapo votova kundër”.

Këtë iniciativë ai e ka quajtur diferencim, që u përngjan sistemeve të kaluara.

“Ky diferencimi ideopolitik të kapëseve të kreut të LDK-së i përngjan diferencimit të sistemeve të kaluara”, ka theksuar ai. Sipas tij, askush s’ka me mund me diferencu atë që ka besimin e qytetarëve.

“Ka për t’u kthyer bumerang ky diferencim atyre që nisën atë, sepse votuesi e qytetari do i diferencon keq te kutia e votimit kur të vjen koha. LDK është më madhe se Isa Mustafa e rrethi i tij”, tha ai.

commentFirst article
Sot mund të lexoni Shfletoni kopertinat