Ministrja e Punëve të Jashtme, Meliza Haradinaj-Stublla, ka thënë se rezultati i sotëm i unitetit politik, është kthesa historike e shqiptarëve të Luginës së Preshevës, duke vënë në rend të parë interesin kombëtar para atij programor e partiak.
“Mësimi më i mirë për gjithë shqiptarët kudo që jemi, është që kauzat jetike do të kenë epilogun e suksesit, vetëm duke qenë bashkë”
“Përfaqësimi në Parlament, duke qenë bashkë dhe një, do të thotë fuqizim i zërit për të drejtat e shqiptarëve, që në fakt do të duhej të ishin të garantuara me Kushtetutë e Ligj”, ka shkruar Haradinaj-Stublla në rrjetin social Facebook.
