Veseli: Kushdo që na përfaqëson në dialog le ta mbrojë Kosovën - Bota Sot
Veseli: Kushdo që na përfaqëson në dialog le ta mbrojë Kosovën

Aktuale

Veseli: Kushdo që na përfaqëson në dialog le ta mbrojë Kosovën

Më: 22 qershor 2020 Në ora: 16:37
Kadri Veseli

Kryetari i Partisë Demorkatike të Kosovës, Kadri Veseli gjatë konferencës për medie ka thënë se as ai e as partia e tij nuk janë për luftë me Serbinë, por janë për dialog dhe sipas tij dialogu është zgjedhja më e mirë.

Veseli tha se kushdo që shkon ta përfaqësoj Kosovën le ta mbrojë sovranitetin dhe shtetësinë e vendit.

“PDK dhe unë nuk jemi për luftë deri në momentin kur Serbia nuk cenon asnjë centimetër të Republikës së Kosovë. Në momentin kur nuk jemi për luftë në rrethana të shtetit të pavarur dhe sovran, ne mendojmë se dialogu është zgjedhja më e mirë për zgjedhjen e çështjeve mes Kosovës e Serbisë dhe dialogu ka vetëm një përfundim, Kosova në Organizatën e Kombeve të Bashkuara përndryshe nuk ka asnjë pjesëmarrje tjetër e cila mund të krijon një përfitim nga Serbia ose nga kushdoqoftë tjetër”.

“Nuk abuzoj pse jam në opozitë, kush merre pjesë në dialog, do të flas haptas, kushdo që shkon për ta përfaqësu Kosovën, presidenti, kryeministri, kryetarja e Kuvendit, veç ta mbrojnë Kosovën, le ta mbrojnë sovranitetin dhe shtetin, kah Mitrovica mos të ju bjen as në mend me shku, Kosova në Organizatën e Kombeve të Bashkuara edhe kaq”, tha Veseli.

Shfaq komentet
comments powered by Disqus
Sot mund të lexoni Shfletoni kopertinat