Jahjaga takon Lumin, djalin me koeficient të inteligjencës 145

Aktuale

Jahjaga takon Lumin, djalin me koeficient të inteligjencës 145

Më: 22 qershor 2020 Në ora: 17:40
Lumi

Ish’presidentja, Atifete Jahjaga ka bërë të ditur se është takuar sot me Lumin, djaloshin nga Kosova, që ka koeficient të inteligjencës 145.

Jahjaga ka thënë se Lumi qysh nga mosha 2-vjeçare ka shfaqur nivel të inteligjencës jo të zakonshme me fëmijët e moshës së tij.

“Ishte kënaqësi e veçantë që të pres në vizitë Lumin, një djalosh kurioz i cili premton shumë për të ardhmen e vendit tonë. Lumi ka treguar inteligjencë mbi mesatare me koeficient të inteligjencës 145 dhe është pjesë e Institutit “Atomi”. Pasuria më e madhe e Republikës së Kosovës janë fëmijët inteligjentë si Lumi. Mirëpo, na takon neve që këtë pasuri ta përkrahim duke i ofruar të gjitha kushtet e nevojshme për zhvillimin intelektual”, ka shkruar ajo.

Jahjaga ka bërë thirrje që fëmijët si Lumi të përkrahen.

“Lumi qysh nga mosha 2 vjeçare ka shfaqë një nivel të inteligjencës jo të zakonshme me fëmijët e moshës së tij. E fëmijët si Lumi, të cilët e di që nuk janë pak në numër, duhet përkrahur që inteligjencën e tyre ta sfidojnë në kushte dhe mundësi të duhura. Lumi – Ajnshtani i kohës moderne, shpresoj që në të ardhmen, ta vendosësh Kosovën në harten e gjenive botëror”, ka shkruar ajo.

commentFirst article
Sot mund të lexoni Shfletoni kopertinat