Policia e Kosovës do të mbajë një Konferencë për media, ku do të ofrojë informacione lidhur me platformën elektronike dhe po ashtu do të bëjë lancimin e Aplikacionit “Lajmëro Policinë”.
Siç njofton policia “ky projekt do të jetë edhe një mundësi tjetër alternative për qytetarët për raportim sa më të shpejt dhe efikas të rasteve të ndryshme dhe avancimit të mëtejmë të bashkëpunimit me Policinë e Kosovës”.
Konferenca që do të mbahen në Stacionin Qendër të Policisë do të ketë pjesëmarrës Drejtorin e Përgjithshëm të PK-së, Rashit Qalaj si dhe kryesuesin e misionit të OSBE-së në Kosovë, Jan Braathu.
