Në momentin kur u publikua lajmi për aktakuzën, Presidenti Thaçi ndodhej në aeroplan

Aktuale

Në momentin kur u publikua lajmi për aktakuzën, Presidenti Thaçi ndodhej në aeroplan

Më: 24 qershor 2020 Në ora: 17:22
Hashim Thaçi

Kur u dha lajmi se Tribunali Special ka ngritur aktakuzë ndaj Presidentit Hashim Thaçi, ky tashmë ishte nisur për në Uashington.

Media mëson se Thaçi dhe ekipi i tij e kanë lëshuar vendin para rreth dy orësh, prej ku janë nisur për në Shtetet e Bashkuara të Amerikës.

Thaçi është nisur për të marrë pjesë në takimin e 27 qershorit në Shtëpinë e Bardhë, ku Kosova e Serbia rinisin dialogun.

Presidenti ishte nisur në udhëtimin e tij, Zyra e Prokurorit Special njoftoi se ka dorëzuar aktakuzë ndaj Thaçit dhe kreut të tanishëm të PDK’së, Kadri Veselit, për krime lufte dhe krime kundër njerëzimit.

“Më 24 prill 2020, Zyra e Prokurorit të Specializuar (ZPS) u paraqiti Dhomave të Specializuara të Kosovës (DHSK) një aktakuzë me dhjetë pika për shqyrtim prej Gjykatës, ku Hashim THAÇI, Kadri VESELI dhe të tjerë akuzohen për një sërë krimesh kundër njerëzimit dhe krimesh lufte ndër të cilat, vrasje e paligjshme, zhdukje e detyruar e personave, përndjekje dhe tortura. Në Aktakuzë pretendohet se Hashim THAÇI, Kadri VESELI dhe të dyshuar të tjerë janë penalisht përgjegjës për afërsisht 100 vrasje të paligjshme. Krimet e paraqitura në Aktakuzë përshijnë qindra viktima të identifikuara shqiptarë, serbë dhe romë të Kosovës dhe kundërshtarë politikë”, thuhej në njoftimin e ZPK’së.

commentFirst article
Sot mund të lexoni Shfletoni kopertinat