Reagime të shumta pro dhe kundra ka pasur për presidentin e Kosovës dhe kreun e PDK-së që nga ngritja e aktakuzës nga Gjykata Speciale ku akuzohen për vrasjen e rreth 100 personave.
Në këtë aktakuzë presidenti Hashim Thaçi dhe ish-kreu i SHIK-ut, Kadri Veseli, përveç tjerash akuzohen edhe për vrasjet politike në Kosovë.
E në një reagim të bërë sot nga ish-eprori i lartë i UÇK-së dhe ish-agjenti i SHIK-ut, Naim Miftari thotë se, miqtë ndërkombëtarë kanë vendosur me ia hëngër milionat presidentit Hashim Thaçi.
“E kanë vendos miqtë ndërkombëtarë të Brukselit e Uashingtonit me ia hangër multi-milionat Hashim Thaçit, qata milionat çka ia ka vjedh ky popullit dhe shtetit të vet vendit me të varfër në Evropë.!”, shkruan Miftari në Facebook.
