Forca të shumta të sigurisë rreth kryeministrit të Shqipërisë, Edi Rama, dyshohet se kishte jelek antiplumb.
Temperaturat janë goxha të larta.
Por kjo nuk shfaq problem për shefin e qeverisë Shqiptare që të vishet në këtë mënyrë.
Kështu Edi Rama, takoi shumicën e liderëve politik gjatë së hënës.
Ani pse ai ka stil të veçantë të veshjes, arsyeja e vërtetë po dyshohet se ishte jeleku antiplumb që ai e pati.
Madje se mund të ketë pasur pajisje të tilla mbrojtëse e thotë edhe një ekspert i sigurisë.
Niveli i lartë i sigurisë për kryeministrin e Shqipërisë vazhdoi edhe në ditën e dytë të vizitës së tij në Kosovë.
Forca të shtuara policore u panë gjithandej edhe të martën, në takimin që ai e pati me kreun e AKR-së, Behgjet Pacolli, në hotelin e tij në kryeqytet.
E nuk ishin vetëm zyrtarët policorë ata që po kujdeseshin për ruajtjen e sigurisë.
Këtu Rama nuk kishte të njëjtën veshje si një ditë më parë, mirëpo gjatë kohës sa ishte në takim, pos hotelit, mbrojtja e afërt po ruante edhe në sheshet përreth.
Sipas Nuredin Ibishit, vizita e tij në një moment dramatik politik në Kosovë sjell rrezik nga qarqet serbo-ruse.
E për këtë cëshjte ka folur edhe vet kryeministri i Shqipërisë, Edi Rama.
Ai ka mohuar se ka qenë i pajisur me mjete antiplumb, gjatë vizitës së tij në Kosovë.
Ndërkohë policia e Kosovës nuk tregoi për nivelin e sigurisë dhe numrin e policëve të angazhuar gjatë vizitës së kreut të ekzekutivit të shtetit amë.
Veçse përmes një email-i zyrtar bënë me dije se ofrimi i sigurisë bëhët bazuar në protokollin e shtetit.