Ministrja e Punëve të Jashtme, Meliza Haradinaj Stublla ka thënë se energjia dhe vëmendja e Gjermanisë gjithmonë ka sjell lajme të mira për Kosovën
‘’Korriku 2020 shënon dy vjetorin prej kur Komisioni Evropian ka konfirmuar që Kosova ka përmbushur të gjitha kriteret e kërkuara për liberalizmin e vizave për qytetarët e Kosovës’’,ka shkruar Haradniaj në Facebook, transmeton ‘’Bota sot’’.
Postimi i saj i plotë në Facebook
Moment kthese e definimi - me shpresa të rikthyera tek qytetarët tanë se gjatë presidencës gjermane të BE-së - do të mbyllet suksesshëm lëvizja e lirë për Kosovën.
Korriku 2020 shënon dy vjetorin prej kur Komisioni Evropian ka konfirmuar që Kosova ka përmbushur të gjitha kriteret e kërkuara për liberalizmin e vizave për qytetarët e Kosovës.
Pritjet tona janë të larta për këtë kryesim. Energjia dhe vëmendja e Gjermanisë gjithmonë ka sjellë lajme të mira për Kosovën.
Ne qëndrojmë më të fuqishëm në rajon dhe në të gjitha proceset integruese në Evropë, me Gjermaninë si udhëheqëse.