Stephen Meyer ishte asistent në drejtorinë e Agjencisë Qendrore të Inteligjencës Amerikane për Ballkanin gjatë luftës në Bosnjë, një njeri që punoj si menaxher i vjetër dhe analist i specializuar në politikën evropiane dhe ruse.
Ai është i njohur për publikun serb për pikëpamje të pazakonta për cështjet me rëndësi kombëtare, sidomos gjatë konflikteve të mëdha në mes Serbisë dhe Perëndimit, shkruan informer.rs, percjell Bota sot.
Stephen Meyer nuk ka asgjë kundër Shqipërisë së Madhe dhe Serbisë së Madhe e cila do të përfshinte një pjesë të Maqedonisë Veriore. Në një intervistë, ai prezantoj vizionin e tij për Ballkanin modern, Evropën dhe botën.
“Dua të filloj duke thënë se një nga gjërat që përvoja ime e gjatë këtu më ka treguar është se qeveria e Shteteve të Bashkuara dhe politikanët amerikanë me të vërtetë nuk i kuptojnë problemet këtu. Kjo ishte veçanërisht e qartë gjatë luftërave të viteve 1990, kur qeveria amerikane, Departamenti i Shtetit dhe administrata e Klinton vendosën se cila do të ishte e ardhmja politike e Ballkanit. Gjëja më e rëndësishme që administrata humbi, dhe shumë prej nesh në CIA menduan se ishte thellësia dhe rëndësia e dimensioneve etnike. Sa e rëndësishme është origjina etnike, sa e rëndësishme është përkatësia e njerëzve. Gjatë 20 viteve, unë vazhdimisht kam thënë dhe shkruar se nuk është e mundur në këtë kohë ndërtimi i shteteve ndëretnike dhe multietnike. Kjo do të vijë në të ardhmen, por tani shtetet që ekzistojnë në këtë zonë duhet të jenë monoetnike - komunitete të vetëm një kombi. Kjo është arsyeja pse Bosnja nuk po funksionon, kjo është arsyeja pse Kosova është në kaos dhe vështirësi, kjo është arsyeja pse Maqedonia ka probleme domethënëse.
Ҫështja e Kosovës u zgjidh nga Kombet e Bashkuara, Bashkimi Evropian, mendimi u dha nga Gjykata Ndërkombëtare e Drejtësisë dhe të gjitha përpjekjet për t'i afruar të dy palët më afër dështuan.
Drejtuesit shqiptarë kërcënojnë të bashkojnë të ashtuquajturat Kosova dhe Shqipëria. Cilët mekanizma mund të përdoren për të luftuar vendet e Ballkanit që kërcënohen nga irredentizmi shqiptar?
- Pozicioni im për këtë ka qenë gjithmonë: Pse Shqipëria e Madhe shqetësohet për Serbinë? Si mund të dëmtojë Serbia? Serbia është shumë më e fortë, shumë më e fuqishme, shumë më e rëndësishme, ajo ka një ekonomi më të mirë. Kjo nuk dëmton aspak Serbinë. Mund edhe të jetë një avantazh nëse Serbia thotë: "Në rregull. Ne mbështesim Shqipërinë e Madhe, por ju gjithashtu duhet të mbështesni Serbinë e Madhe. "Në vend që të thoni që keni frikë nga Shqipëria e Madhe. Pra, çfarë? Ëhatfarë lidhje ka me të? Nuk ka asnjë lidhje me Serbinë. Mund edhe të ndihmojë Serbinë.
