Kryetari i AAK-së, Ramush Haradinaj ka kujtuar 2 Korrikun, ditën kur Kosova shpalli deklaratën e pavarësisë.
Ai përmes një shkrimi në Facebook, ka thënë se, me këtë deklaratë u jetësua edhe Ushtria Çlirimtare e Kosovës.
Postimi në Facebook:
Me 2 korrik 1990, deputetët kosovarë, me gjithë presionin e kërcënimet nga pushteti i Millosheviqit, nxorën aktin të cilin shqiptarët e prisnin me dekada.
Deklarata me të cilën Kosovës i hapej rruga për të qenë e barabartë me entitetet e tjera, edhe pse nuk u lejua të zbatohej, me forcën e armëve e tankseve, dërgoi mesazhin në gjithë botën për përcaktimin e shqiptarëve për liri e pavarësi.
Duke qenë falënderues për të gjithë deputetët e asaj legjislature, deklaratën e tyre e jetësoi Ushtria Çlirimtare e Kosovës.
2 korriku do të mbetet përgjithmonë në kujtesën historike të shqiptarëve.