Ministri i Drejtësisë, Selim Selimi ka pritur në takim vëllain e Nezir Mehmetajt, i cili është në paraburgim nga Prokuroria e Serbisë për krime lufte.
Ministri Selimi siguron se do të shterojnë të gjitha mundësitë për për ta bërë të mundur lirimin e shtetasit tonë nga akuzat dhe kthimin e shpejtë në Kosovë.
Shkrimi në Facebook:
I shqetësuar me mbajtjen në paraburgim tash e gjashtë muaj dhe ngritjen e aktakuzës ditën e djeshme nga Prokuroria e Serbisë për krime lufte kundër shtetasit të Republikës së Kosovës, Nezir Mehmetajt, kam pritur sot në takim vëllaun e tij, Agronin. E sigurova se do t'i shfrytëzojmë dhe shterojmë të gjitha mjetet juridike dhe diplomatike që janë në dorën tonë, për ta bërë të mundur lirimin e shtetasit tonë nga akuzat dhe kthimin e shpejtë në Kosovë.
