Ministrja e Punëve të Jashtme, Meliza Haradinaj-Stublla, ka pritur në takim ambasadorin e Hungarisë Markusz Laszlo.
Ajo përmes një shkrimi në facebook, si vend partner i qëndrueshëm, ka këkuar përkrahjen në procesin e liberalizimit të vizave.
Postimi i plotë:
Mirëprita sot në MPJD Ambasadorin e Hungarisë, Márkusz László.
Kosova ka ndërtuar ndër vite partneritet të qëndrueshëm me Hungarinë, si një nga vendet e para që e ka njohur pavarësinë e vendit.
Me mirënjohjën me të thellë për gjithë mbështetjen që Hungaria i ka dhënë Kosovës, veçanërisht përkrahjen në procesin e liberalizimit të vizave, ritheksova nevojën për intensifikimin e përpjekjeve për përshpejtimin e këtij procesi.
Me Ambasadorin László biseduam edhe për koordinimin e mëtutjeshem të bashkëpunimit ekonomik në mes të dy vendeve tona.