Rupert Neudeck për Dick Martyn: Shqiptarët po mundohet t’i paraqesë si kriminelë

Aktuale

Rupert Neudeck për Dick Martyn: Shqiptarët po mundohet t’i paraqesë si kriminelë

Më: 3 korrik 2020 Në ora: 10:58
Rupert Neudeck

Njëri ndër miqtë më të mëdhenj të popullit të Kosovës, Rupert Neudeck, i cili vdiq para disa vjetëve, pas publikimit të raportit të Dick Martyt kishte reaguar ndaj raportit të tij.

Në një intervistë për mediat në Kosovë, Neudeck kishte thënë se pas publikimit të raportit të Dick Martyt, të gjithë duhet të tregojnë historinë tjetër të Kosovës.

“Raporti i Dick Martyt dëshiron që neve që jetojmë në Evropë të na japë një pamje që të gjithë shqiptarët janë kriminelë”, kishte thënë Neudeck.

Ai kishte thënë se është shumë pikëlluese që Kosova dhe populli i saj marrin epitete që nuk i meritojnë, meqë është populli më solidar që ai ka njohur.

“Por, ky raport na jep neve një pamje të gabuar për Kosovën që shqiptarët i paraqet si kontrabandues të organeve dhe si kriminelë. Dhe për këtë jam shumë i pikëlluar, sepse Kosova nuk e ka merituar këtë epitet”, kishte thënë Neudeck.

Rupert Neudeck për shumë vjet kishte udhëhequr organizatën gjermane “Cap Anamur”. Kjo organizatë kishte ndihmuar në rindërtimin e shtëpive në Kosovë. Deri në vdekje Neudeck ishte drejtues i organizatës humanitare “Grune Helme”.

commentFirst article
Sot mund të lexoni Shfletoni kopertinat