Kryeministri i Kosovës, Avdullah Hoti, përmes një shkrimi në llogarinë e tij në Facebook, ka falënderuar kryeministrin e Shqipërisë, Edi Ramën, për siç ka thënë pritjen vëllazërore që i ka bërë sot në Pallatin e Brigadave.
Shefi i qeverisë së Kosovës ka thënë se Shqipëria dhe Kosova janë partnerë të natyrshëm.
“Është nder i madh që në cilësinë e kryeministrit të Republikës së Kosovës, t’i konkretizojmë hapat për bashkëpunim ekonomik. Shqipëria dhe Kosova janë partnerë të natyrshëm”, ka shkruar mes tjerash Hoti.
Ja shkrimi i tij:
Thellësisht mirënjohës për pritjen që mu bë sot, në Pallatin e Brigadave, nga kryeministri i Shqipërisë, z. Edi Rama, të cilin edhe publikisht e falënderoj për pritjen vëllazërore!
Është nder i madh që në cilësinë e kryeministrit të Republikës së Kosovës, t'i konkretizojmë hapat për bashkëpunim ekonomik. Shqipëria dhe Kosova janë partnerë të natyrshëm! ????