QKUK: Sallat kirurgjike nuk janë mbyllur - Bota Sot
QKUK: Sallat kirurgjike nuk janë mbyllur

Aktuale

QKUK: Sallat kirurgjike nuk janë mbyllur

Më: 4 korrik 2020 Në ora: 17:48
Ilustrim

Qendra Klinike Universitare e Kosovës ka njoftuar se pavarësisht intenstitetit të punës për shkak të numrit të madh të të shtrirve me koronavirus, sallat e operacionit në dy klinikat nuk janë mbyllur.

Në njoftim thuhet se asnjë nga sallat e operacionit në Klinikën e Kirurgjisë së Fëmijëve dhe në Klinikën e Kirurgjisë Abdominale nuk është mbyllur.

Tutje thuhet se,  përkundër faktit se anesteziologët janë angazhuar në njësinë intensive të objektit Mjekësisë Sportive, sallat kanë vazhduar të punojnë normalisht, meqë Klinika e Anesteziologjisë ka mbajtur vazhdimisht anestezionin në këto salla.

“Shërbimi spitalor dhe Klinik Universitar i Kosovës, njofton se asnjë nga sallat e operacionit në Klinikën e Kirurgjisë së Fëmijëve dhe në Klinikën e Kirurgjisë Abdominale nuk është mbyllur.

Sipas njoftimeve nga dy klinikat, por edhe nga Klinika Anesteziologjisë me Mjekim Intensiv programi operativ është realizuar sipas planifikimit”.

Shfaq komentet
comments powered by Disqus
Sot mund të lexoni Shfletoni kopertinat