(E plotësuar) - Lidhja Demokratike e Kosovës sot ka mbajtur mbledhjen e Kryesisë në të cilën është diskutuar situata politike në vend dhe situata me koronavirusin.
Ministri i Infrastrukturës, Arban Abrashi, tha se nuk është diskutuar shkarkimi i ministrit të Shëndetësisë Armend Zemaj, pas rasteve të fundit.
Por, ai vet tha se është që masat të merren pasi situata me Covid-19 po del jashtë kontrollit.
“Kryesia e LDK-së sot është mbledhur me ftesë të kryetarit për të diskutuar zhvillimet e fundit në vend dhe rrethanat nëpër të cilat po kalon vendi. Është diskutuar edhe për nevojën e domosdoshme që të kalojë buxheti i Kosovës në mënyrë që të fillojnë aplikimi i masave dhe buxheti të realizohet për masat anti-covid. Gjithashtu, edhe për situatën e përgjithshme politike pas publikimit nga Gjykata Speciale të komunikatës e cila gjithsesi që ka shkaktuar një traumë në jetën institucionale të Kosovës”, tha ai.
Abrashi tha se në këtë mbledhje kanë diskutuar edhe rastet e fundit të vdekjen në Klinikën Infektive.
“Janë komentuar edhe ato dhe besoj që sot gjatë ditës edhe Qeveria e Kosovës do të mblidhet, kryeministri veç ka bërë të ditur një njoftim publik për një mbledhje që ka me krerët institucional nga shëndetësia. Nuk e kisha komentuar, sepse kjo po besoj i takon vet kryeministrit dhe sot do të deklarohet pas takimit që ka me ekspertët më të mirë të fushës së shëndetësisë. Ajo çka mund të them është vetëm mendimet e mia personale që masat duhet të merren sa më shpejt sa më urgjent, do të thotë gjendja po eskalon. Kjo ka të bëjë pikë së pari me lehtësimin e masave, do të thotë qeveria Kurti para dorëzimit të detyrës ka dorëzuar dhe ka liruar të gjitha masat, ka kaluar pak a shumë prej fazës së parë në fazën e tretë dhe kjo ka shkaktuar edhe këto çka po i shohim”, tha ai.
Përkundër rritjes së rasteve me Covid dhe të vdekjeve, Abrashi tha se nuk e kanë diskutuar shkarkimin e ministrit të Shëndetësisë, Armend Zemaj.
“Nuk është diskutuar, kemi folur për ato që i përmenda, le të themi çështjet që ndërlidhen me stabilitetin institucional pas publikimit të komunikatës nga Gjykata Speciale dhe nevojën e domosdoshme që të kalojë buxheti në kohë rekorde, mundësisht nesër, gjatë kësaj jave”, tha ai.
***
Lidhja Demokratike e Kosovës ka mbajtur sot mbledhjen e kryesisë në të cilën është diskutuar situata politike në vend dhe gjendja me COVID-19.
Ministri i Infrastrukturës, Arban Abrashi, tha se nuk është diskutuar shkarkimi i ministrit të Shëndetësisë Armend Zemaj, pas rasteve të fundit.
Por, ai vet tha se është që masat të merren pasi situata me Covid po del jashtë kontrollit.
Abrashi: LDK diskutoi për situatën politike në vend
"Kryesia e LDK-së sot është mbledhur me ftesë të kryetarit për të diskutuar zhvillimet e fundit në vend dhe rrethanat nëpër të cilat po kalon vendi. Është diskutuar edhe për nevojën e domosdoshme që të kalojë buxheti i Kosovës në mënyrë që të fillojnë aplikimi i masave dhe buxheti të realizohet për masat anti-covid. Gjithashtu, edhe për situatën e përgjithshme politike pas publikimit nga Gjykata Speciale të komunikatës e cila gjithsesi që ka shkaktuar një traumë në jetën institucionale të Kosovës", tha ai.
Ai tha se në këtë mbledhje kanë diskutuar edhe rastet e fundit të vdekjen në Klinikën Infektive.
Abrashi: Gjendja me Covid po eskalon
"Janë komentuat edhe ato dhe besoj që sot gjatë ditës edhe Qeveria e Kosovës do të mblidhet, kryeministri veç ka bërë të ditur një njoftim publik për një mbledhje që ka me krerët institucional nga shëndetësia...Nuk e kisha komentu, sepse kjo po besoj i takon vet kryeministrit dhe sot do të deklarohet pas takimit që ka me ekspertët më të mirë të fushës së shëndetësisë. Ajo çka mund të them është vetëm mendimet e mia personale që masat duhet të merren sa më shpejt sa më urgjent, do të thotë gjendja po eskalon. Kjo ka të bëjë pikë së pari me lehtësimin e masave, do të thotë qeveria Kurti para dorëzimit të detyrës ka dorëzuar dhe ka liruar të gjitha masat, ka kaluar pak a shumë prej fazës së parë në fazën e tretë dhe kjo ka shkaktuar edhe këto çka po i shohim", tha ai.
Përkundër rritjes së rasteve me Covid dhe të vdekjeve, Abrashi tha se nuk e kanë diskutuar shkarkimin e ministrit të Shëndetësisë, Armend Zemaj.
Abrashi: Nuk kemi diskutuar për shkarkimin e ministrit të Shëndetësisë
"Nuk është diskutuar, kemi folur për ato që i përmenda, le të themi çështjet që ndërlidhen me stabilitetin institucional pas publikimit të komunikatës nga Gjykata Speciale dhe nevojën e domosdoshme që të kalojë buxheti në kohë rekorde, mundësisht nesër, gjatë kësaj jave", tha ai.
***
Ka përfunduar mbledhja e Kryesisë së Lidhjes Demokratike të Kosovës.
Kështu kanë bërë të ditur burime të medias vendore brenda LDK-së.
“Takimi ka përfunduar. Nuk është folur vetëm për një temë, por në përgjithësi”.
Kreu i LDK-së, Isa Mustafa, një ditë më parë duke folur për aktakuzat e Gjykatës Speciale ndaj presidentit Hashim Thaçi dhe kryetarit të PDK-së, Kadri Veseli kërkoi gjithpërfshirje në zgjidhjen e problemeve të Kosovës.
“Në këto rrethana Kosova ka nevojë të sigurojë institucione stabile dhe të fuqishme, të mbështesë institucionet e drejtësisë, vendore dhe ndërkombëtare, një drejtësie të pavarur dhe të pandikuar, sikurse edhe të mbështesë njerëzit e saj që ballafaqohen me drejtësinë deri në përfundimin e saj, sepse deri atëherë fajësia e tyre është vetëm e presupozuar”, ka shkruar Mustafa në Facebook.
***
Partia që po udhëheq me Qeverinë është duke mbajtur mbledhje të Kryesisë. Aty, po marrin pjesë shumica e anëtarëve ndërsa pritet të flasin edhe për mundësinë e zgjerimit të koalicionit dhe situatës pas ngritjes së aktakuzës ndaj Thaçit dhe Veselit dhe si për gjendjen që ka dalë jashtë kontrollit me COVID-19.
Armend Zemaj, Ministër i Shëndetësisë, nuk ka shkuar sot në mbledhjen e Kryesisë së LDK’së. Por, kjo s’e ka penguar Isa Mustafën të mbledh Kryesinë e Partisë dhe të flas për gjendjen e krijuar pas ngritjes së aktakuzës ndaj Hashim Thaçit dhe Kadri Veselit nga Gjykata Speciale.
Takimin e ka konfirmuar njëri prej Nënkryetarëve të LDK’së, i cili ka thënë se do të dalin edhe me një qëndrim pas takimit.
Mustafa një ditë më parë tha se gjendja është e keqe dhe kërkoi gjithpërfshirje në zgjidhjen e problemeve të Kosovës.
“Në ditët në vijim do të bisedojmë me të gjithë që kanë gatishmëri, jo për të forcuar pushtetin individual apo partiak por, për të forcuar shtetin e Kosovës dhe funksionalitetin e tij”, ka shkruar Mustafa një ditë më parë.