Profesori Univerzitar Agim Begzati përmes një postimi të tij në Facebook është shprehur se numri i të vdekurve nga Covid 19 është alarm shumë i keq por edhe paralajmrim për të keqen që mund të vijë
Ja postimi i tij i plotë:
SA NUK ËSHTË BËRË SHUMË VONË!
Dita e shtunë me mbi 50% te infektuarish nga numri i të testuarve dhe me 8 të vdekur nga Covid-19, është ALARM shumë i keqe por edhe paralajmërim edhe për më keqën, që mund të vijë.
Pse kjo neglizhencë!
Fatkeqësisht, ne vazhdojmë të sillemi sipas “standardeve" tona:
-Popullata, sillet me idenë, "sa ma larg meje dhe në dorë të zotit"!
-Udhëheqësit politik, bëhen kinse, "gjithçka është normale dhe nën kontroll"!
-Mjekët (sidomos të vijës parë)- heronjtë e vërtet, çdo ditë e më shumë të lodhur dhe të stërngarkuar (për rrogë, as të mos flasim- mjerim)! Ata as nuk ankohen!
Çka do të duhej bërë:
-Forca e ligjit –Vetëdijesimi, nuk kryen punë në popullatën tonë- vetëm forca e ligjit (psh, dënim për mosmbajtje te maskës, ndalim i tubimeve, etj).
-Për mjeket- stimulim urgjent material, punësim profesional jo-politik (për vijën e parë mbrojtëse, përfshirë vullnetarët me përvojë).
-Menaxhimi shëndetësor lokal dhe qendror-të bëhet nga profesionalist shëndetësor ( kursejeni sektorin e shëndetësisë nga matematika politike!).
Apeloj,
Qeverinë, të kërkojë NDIHMË TË SINQERT NGA ATA QË DUAN DHE DINË TË NDIHMOJNË, nuk është ligësi, është alarm për të shpëtuar jetë njerëzish.
