Qeveria e Kosovës ka marrë masa të reja në luftën kundër Koronavirusit, pas vdekjes së 12 pacientëve brenda 24 orësh.
Qeveria ka kufizuar lëvizjen e qytetarëve në disa qytete të Kosovës si dhe mbylljen e restoranteve dhe lokave nga ora 21:00 e mbrëmjes deri në 05:00 të mëngjesit.
Por, këto masa të kufizimit janë antikushtetuese, përcjell Bota sot.
Këtë e ka konfirmuar Ehat Miftaraj nga Instituti i Kosovës për Drejtësi, i cili ka kritikuar Qeverinë se nuk po e miraton Ligjin për Pandeminë, vetëm pse atë e ka iniciuar kryeparlamentarja Vjosa Osmani.
Miftaraj i ka quajtur “shkelës të Kushtetutës” dhe “amatera” zyrtarët e LDK-së.
Postimi i plotë i Mifatarajt në Facebook:
Qeveria Hoti prapë masa të kufizimit në kundërshtim me Kushtetutë dhe me Aktgjykimin e Gjykatës Kushtetuese.
Bravo!
Mos e miratoni ligjin COVID-19 vetëm e vetëm se e ka iniciuar Vjosa Osmani dhe se një ligj i tillë do ishte zbatim i Kushtetutës dhe Aktgjykimit të GJK dhe respektim i të drejtave dhe lirive të njeriut.
Ani LDK parti institucionaliste, parti e ekspertëve. Amatera dhe shkelës të Kushtetutës, ligjit, praktikës së gjykatës kushtetuese dhe shkelës të drejtave dhe lirive të njeriut.
Marre!