Analisti nga Amerika: Kjo është gjendje lufte, Vitia të kthehet në detyrë - ja çka të bëjë Kurti

Aktuale

Analisti nga Amerika: Kjo është gjendje lufte, Vitia të kthehet në detyrë - ja çka të bëjë Kurti

Nga: A.Zh Më: 5 korrik 2020 Në ora: 20:46
Arben Vitia dhe Albin Kurti

Bleron Baraliu, analist politik, ka kërkuar aktivizimin e ish-kryeministrit Albin Kurti dhe Lëvizjes Vetëvendosje, në luftën kundër COVID-19.

Ai ka thënë se ata duhet të kërkojnë shpalljen e gjendjes së jashtëzakonshme dhe të bëhen pjesë e zgjidhjes së krizës.

Sipas Baraliut, Arben Vitia duhet të kthehet në postin e ministrit të Shëndetësisë, përcjell Bota sot.

Analisti ka theksuar se Koronavirusi lehtë mund të vrasë aq njerëz sa ka vrarë lufta.

Postimi i plotë i Baraliut:

Më mirë vonë se kurrë! Fort mirë që më në fund Albini ka adresuar gjendjen e rrezikshme nga Covid. Unë nuk do te flisja në vend të tij për asnjë temë tjetër në këtë situatë...

Sidoqoftë, tash Albini dhe VV duhet të vihen në aksion. Duhet të kërkojnë shpalljen e gjendjes së jashtëzakonshme dhe të bëhen pjesë e zgjidhjes së krizës. Arben Vitia duhet të kthehet në detyrë. Krejt aktiviteti politik duhet të pezullohet.

Kjo është gjendje lufte. I pakontrolluar, Covid mund të vras lehtë aq njerëz sa ka vrarë lufta. Prandaj, Albini duhet të nxitojë, pas gjithë heshtjes deri tani!

commentFirst article
Sot mund të lexoni Shfletoni kopertinat