Edhe gazetari Adriatik Kelmendi, ka folur për rritjen e numrit të rasteve me Koronavirus në vend.
Ai ka thënë se nëse secili qytetar do të ishte më i ndërgjegjshëm dhe i kujdesshëm, virusi do të ishte mbase edhe i tejkaluar tashmë, përcjell Bota sot.
Sipas tij, duhet ta drejtojmë gishtin kah vetvetja, e jo të fajësohet tjetri.
Reagimi i Kelmendit:
Pra, jemi të njëjtit njerëz që arritëm ta zbresim numrin deri në vetëm një të infektuar për disa ditë dhe të njëjtit që këto ditë po i dëshmojmë me mbi 100 të infektuar dhe 8-9 të vdekur.
Sa ia drejtojmë gjithmonë gishtin tjetrit, a bën ta drejtojmë kah vetvetja. Nëse secili prej nesh do të ishte më i ndërgjegjshëm dhe i kujdesshëm virusi do të ishte mbase edhe i tejkaluar tashmë!
Por gjithmonë më lehtë të shajmë e t’ia lëmë fajin tjetrit!
