Zëdhënësi i BE për punët e jashtme Peter Stano konfirmoi të hënën se Kryeministri i Kosovës Avdullah Hoti, dhe Presidenti i Serbisë Aleksandar Vuçi1 do të takohen në Bruksel për të rifilluar dialogun më 12 korrik. Takimi do të pritet nga Përfaqësuesi i Lartë i BE Josep Borrell dhe i dërguari i posaçëm i BE Mirosllav Lajçak, shkruan “Exit Neës”, transmeton “Bota sot”.
Stano shtoi se ky takim do të shënojë rifillimin e dialogut Serbi-Kosovë dhe normalizimin e marrëdhënieve midis dy vendeve, duke trajtuar të gjitha çështjet e pazgjidhura.
Dy ditë përpara takimit, më 10 korrik, Presidenti Francez Emmanuel Macron dhe Kancelarja gjermane Angela Merkel do të presin një samit virtual në dialogun Kosovë-Serbi.
Ky takimi midis përfaqësuesve të dy vendeve vjen pasi një takim i planifikuar të mbahej në Uashington në 27 qershor u anulua pasi dolën lajmet për Presidentin e Kosovës Thaci duke u akuzuar për krime lufte.