Thaçi të hënën intervistohet nga Gjykata Speciale, vjen reagimi i parë nga OVL e UÇK-së

Aktuale

Thaçi të hënën intervistohet nga Gjykata Speciale, vjen reagimi i parë nga OVL e UÇK-së

Nga: N. H Më: 8 korrik 2020 Në ora: 19:24
Hashim Thaçi

Presidenti i Kosovës, Hashim Thaçi do të intervistohet të hënën nga Prokuroria Speciale në Hagë.

Ai e ka bërë të ditur se të hënën do të udhëtojë në Hagë, shkruan “Bota sot”.

E, ndaj këtij lajmi, ka reaguar edhe kryetari i Organizatës së Veteranëve, Hysni Gucati.

Ai përmes një shkrimi në Facebook, ka thënë se nuk ka asnjë gjykatë që mund të gjykojë luftën e drejtë të Ushtrisë Çlirimtare të Kosovës dhe të luftëtareve të saj.

Gucati beson se Thaçi do të dalë i pafajshëm kundër akuzave të ngritura ndaj tij.

Ja shkrimi i tij:

Asnjëherë ushtarët e Ushtrisë Çlirimtare të Kosovës nuk janë frikësuar dhe nuk kanë ngurruar të përballen me drejtësinë si atë vendore por edhe ndërkombëtare, si gjithë luftëtarët e tjerë edhe Presidenti i Republikës së Kosovës Hashim Thaqi do të dalë i pafajshëm kundër akuzave të pabaza dhe të pa qena që po iu bëhen atij dhe shumë ish luftëtarëve të UÇK-së, ne kemi qenë viktima dhe kemi bërë luftën tonë për liri atë edhe çka na ka takuar të luftojmë për atdheun tonë të dashur, Hashim Thaqi një nga themeluesit e Ushtrisë Çlirimtare të Kosovës është një ndër shembujt e rrallë në botë me bashkluftëtaret të shumtë të UÇK-së që i treguan botës se si luftohet dhe mbrohet atdheu nga një armik barbar të cilët përdorën çdo mjet të dhunës për të na persekutuar dhe shfarosur nga toka jonë Kosova, të gjithë shqiptarët ku do që janë ndihen krenar me ju Hashim Thaqi dhe me Ushtrinë Çlirimtare të Kosovës për luftën e bërë për shtetin e Kosovës, nuk ka asnjë gjykatë që mund të gjykojë luftën e drejtë të Ushtrisë Çlirimtare të Kosovës dhe të luftëtareve të saj!

commentFirst article
Sot mund të lexoni Shfletoni kopertinat