Anëtari i Kryesisë së Partisë Demokratike të Kosovës, Sami Lushtaku thotë se nuk do të befasohej nëse ftohet nga Gjykata Speciale, teksa ka shtuar se subjektet politike po duan të eliminojnë figurën e Presidentit Hashim Thaçi.
Kështu deklaroi ai sonte në Debat Plus, ku tha se qytetarët i besojnë Thaçit më së shumti.
“Presidentin Thaçi e shohin si një politikan të fuqishëm dhe që qytetari i Kosovës i beson më së shumti”, tha ai.
Ish-kryetari i Skenderajt thotë se të gjithë e kanë ditur që Gjykata Speciale është formuar për Hashim Thaçin, Kadri Veselin dhe të tjerët.
“Jam i bindur se edhe zoti Thaçi e ka ditur që Specialja është bërë edhe për të. Ajo nuk është bërë për njerëzit që nuk kanë qenë në luftë”, tha ai.
