Deputetja e Kuvendit të Kosovës nga LDK, Valentin Bunjaku përmes një postimi në facebbok ka lutur gjithë koleget e saj deputetë që të votojnë marrëveshjet ndërkombëtare për Projektin e Ujërave të Zeza.
Bunjaku ka shkruar “mos lejoni që të goditeni politikisht nga vetë subjekti juaj. Ne i kemi numrat për shumë ligje, por pa juve, këto ndërkombëtare, nuk mund të miratohen. Asnjë qeveri nuk mundet pa opozitën në të tilla raste”.
Postimi i plotë:
Lus kolegët deputetë, ta votojnë Marrëveshjen Ndërkombëtare për Projektin e Ujërave të Zeza, sepse është për shëndet publik, për pastrim mjedisi, për nxitje biznesi, për turizëm rural, për ruajtje të tokave bujqësore. Ju keni ardhur me votat e qytetarëve dhe ju lus të dilni prej petkut partiak.
Mos lejoni që të goditeni politikisht nga vetë subjekti juaj. Ne i kemi numrat për shumë ligje, por pa juve, këto ndërkombëtare, nuk mund të miratohen. Asnjë qeveri nuk mundet pa opozitën në të tilla raste.
Prandaj, vota juaj e përcakton fatin e mijëra qytetarëve që të mund ta hapin dritaren, të dalin në ballkon me familjet e tyre, të ecin lirshëm në natyrë, pa frikë për shëndetin e tyre nga ujërat e zeza. Votoni, e hiqne zemërimin e mijëra qytetarëve kundër jush dhe të digjeni politikisht nga vetë partia e juaj!
