Deputeti i Lëvizjes Vetëvendosje, Fitim Haziri, thotë se nuk duhet të shpallet Gjendja e Jashtëzakonshme, pa një analizë dhe projeksion për të ardhmen.
Kjo pasiqë, sipas Hazirit, mbyllja e tërësishme në këtë kohë, do t’i rrezikonte edhe më shumë biznesin dhe do t’i varfëronte edhe më tutje qytetarët.
Haziri shton se në këtë kohë vendit i duhet menaxhim e jo bllokim, teksa shton se Ministria e Shëndetësisë, gjatë kësaj kohe është kotur.
Në fund, deputeti i VV-së thekson se e vetmja gjë e jashtëzakonshme në këtë kohë është “largimi i Qeverisë Koti.
Shkrimi i plotë nga deputeti Haziri:
Shpallja e Gjendjes së Jashtëzakonshme, pa asnjë analizë dhe projeksion për të ardhmen, është e rrezikshme.
Në këtë kohë na duhet menaxhim, e jo bllokim. Sepse për ta bërë të parën duhet dije e vullnet, e kjo e dyta bëhet më lehtë, por pasojat janë të rënda.
Gabimi i Ministrisë, ka qenë kotja gjatë gjithë kësaj kohe, përkundër rekomandimeve nga IKSHPK, që të merren masa më të lehta, në dy-tri javëshin që kaloi.
Sikurse e potencoi mjeku Lul Raka, izolimi i tërësishëm nuk prodhon zgjidhje.
Është vetëm diçka që është e jashtëzakonshme: largimi sa më parë i tij dhe qeverisë ilegale Koti.