IKSHPK: Këto janë pesë rregullat strikte për luftimin e Covid-19

Aktuale

IKSHPK: Këto janë pesë rregullat strikte për luftimin e Covid-19

Më: 12 korrik 2020 Në ora: 22:12
Foto

Instituti i Shëndetësisë Publike të Kosovës ka publikuar edhe një ilustrim, në të cilin janë të publikuara pesë rregullat strikte kundër virusit Covid-19.

Sipas këtij ilustrimi rregulli i parë është vendosja e maskës, duke vazhduar me aplikimin e distancës fizike, pastrimin e duarve shumë shpesh, dezinfektimi i duarve dhe sipërfaqeve si dhe shmangia e prekjes së syve, hundës dhe gojës.

Rregulla janë bërë të ditura që në shfaqjen e parë të këtij virusi në Kosovë, por që tashmë janë edhe më të nevojshme.

Kosova po vazhdon të përballet me pandeminë Covid-19, madje tash e disa javë në fazën më të vështirë të krijuar nga ky virus.

Numri i të infektuarve me virus në Kosovë është 4 mijë e 715 persona, kurse deri më tani 101 e kanë humbur jetën si pasojë e infektimit me koronavirus.

Kryeministri i Kosovës, Avdullah Hoti ka paralajmëruar sot masa të reja shtesë lidhur me parandalimin e këtij virusi, që tha se do të jetë me patjetër respektimi i tyre.

Image
commentFirst article
Sot mund të lexoni Shfletoni kopertinat