​Presidentja e KE-së përshëndet vazhdimin e dialogut Kosovë-Serbi - Bota Sot
​Presidentja e KE-së përshëndet vazhdimin e dialogut Kosovë-Serbi

Aktuale

​Presidentja e KE-së përshëndet vazhdimin e dialogut Kosovë-Serbi

Më: 12 korrik 2020 Në ora: 23:28
Ursula von der Leyen

Presidentja e Komisionit Evropian, Ursula von der Leyen, përshëndeti sot vazhdimin e dialogut midis Kosovës dhe Serbisë, dhe ofroi mbështetje për procesin.

"Mirëpres vazhdimin e dialogut midis Beogradit dhe Prishtinës. Do të jap mbështetjen time të plotë për hapat e ardhshëm në proces," ka shkruar der Leyen në Twitter.

Ursula von der Layen përsëriti mesazhin e ministrit të Jashtëm të BE-së Josep Borrell, i cili si ndërmjetës kryesor në dialogun për normalizimin e marrëdhënieve Kosovë-Serbi, theksoi se BE "ishte dhe do të jetë e gatshme të mbështesë dhe të lehtësojë përpjekjet për të gjetur një marrëveshje përfundimtare dhe juridikisht detyruese".

Dialogu Kosovë-Serbi vazhdoi sot me një video-konferencë të kryeministrit të Kosovës Avdullah Hoti dhe presidentit të Serbisë, Aleksandar Vuçiq, me ndërmjetësimin e BE-së.

Takimi i delegacioneve të Kosovës dhe Serbisë është planifikuar të mbahet të enjten, më 16 korrik në Bruksel.

Shfaq komentet
comments powered by Disqus
Sot mund të lexoni Shfletoni kopertinat